1989-cu ildə Laçında daş üzərində hazırladığı Sarı Aşığın kiçik portretini 2021-ci ildə Laçında tapdı

Laçın rayonunun Güləbird kənd sakini, tikinti mütəxəssisi Vüqar İmranov Laçında daş üzərində hazırladığı Sarı Aşığın kiçik portretini 30 ildən sonra doğma kəndinə tapıb.

Vüqar İmranov 1980-ci illərin sonlarında Güləbirddə Sarı Aşığın məzarı üzərində abidəsinin ucaldılmasında iştirak edib.

Belə ki, həmin vaxt orta məktəbdə oxuyan V.İmranovun memarlığa marağını görən heykəltəraş ona daş üzərində Sarı Aşığın kiçik portretini işləməsini tapşırıb. V.İmranov bunun öhdəsindən gəlib və onun əl işi də həmin məqbərəyə əlavə olunub.

Otuz ildən sonra işğaldan azad olunan Güləbird kəndinə ayaq basan V.İmranov dağıdılmış məqbərənin daşları arasından adını (ВУГАР) üzərinə həkk elədiyi öz əl işini tapıb.

Qeyd edək ki, 1989-cu ildə Güləbirddə Sarı Aşığın abidəsinin açılışı olub.