44 günlük müharibədə 5310 erməni hərbçisinin öldüyü təsdiqlənib

2020-ci ilin 27 sentyabrından 2021-ci ilin 25 mayına qədər Ermənistanda ikinci Qarabağ müharibəsində həlak olmuş 3 753 hərbi qulluqçunun meyiti məhkəmə-tibb ekspertizasından keçirilib.

 Ermənistan mətbuatına istinadən Realliq.TV bildirir ki, bu barədə ölkənin Səhiyyə Nazirliyi bildirib.

Mayın 25-ə olan məlumata əsasən ölmüş hərbi qulluqçuların meyitlərindən və qalıqlarından götürülmüş 48 analiz nümunəsi hələ yoxlanılmayıb.

Mətbuat isə qeyd edib ki, mayın 24-ə qədər Qarabağda itkin düşmüş hesab edilən 1 557 nəfərin meyiti tapılıb. Onların bir hissəsi ermənilərin apadıqları axtarışlar zamanı aşkarlanıb. Meyitlərin bir qismini isə Azərbaycan qarşı tərəfə təhvil verib.

Xatırladaq ki, daha əvvəl Ermənistanın vitse-spikeri Tiqran Avinyan ölkə parlamentində iddia edib ki, 44 günlük müharibədə ölən erməni hərbçilərinin sayı            4 000 min nəfəri ötməyəcək. Lakin Səhiyyə və Müdafiə nazirliklərinin son açıqlamaları Ermənistanın ikinci Qarabağ müharibəsindəki itkilərinin sayının 5 310 nəfər olduğunu göstərir.

Qeyd edək ki, bu da son deyil. İstər Ermənistan rəsmi qurumları, istərsə də erməni müxalifəti bildirir ki,  müharibədə 3000-dən artıq hərbi qulluqçu  itkin düşdüşüb və  güman ki, onların hamısı ölüb.