Birinci vitse-prezidentin Xocavənd paylaşımı
Azərbaycanın mədəniyyət paytaxtı olan Şuşa şəhərində 12-13 may tarixlərində “Xarı bülbül” musiqi festivalının keçirilməsi ilə bağlı olaraq Azərbaycan Respublikasının Prezidenti İlham Əliyevin və Birinci vitse-prezidenti Mehriban Əliyeva “Xarıbülbül” musiqi festivalında iştirak etmək üçün bu gün Şuşa şəhərinə gedib.
Şuşaya səfərləri zamanı Xocavənddə olarkən Azərbaycan Respublikasının Birinci vitse-prezidenti Mehriban Əliyeva instaqram hesabından paylaşım edib.
Paylaşımda deyilir:
“Əziz bacılar və qardaşlar!
Böyük qürurla sizə bildirirəm ki, bu gün əlamətdar gündür. Azərbaycanın mədəniyyət paytaxtı elan olunmuş bizim qədim doğma Şuşa şəhərimizdə “Xarıbülbül” musiqi festivalı dirçəlir. Neçə illik həsrətdən sonra əfsanəvi Cıdır düzündə yenidən Azərbaycan muğamı səslənəcək. Böyük məmnuniyyətlə Qarabağa səfərimizin görüntülərini sizinlə paylaşıram.
Dərin hörmət və sevgilərlə,
Sizin MEHRİBAN”