Ermənistanın Rusiyaya yalvarışları davam edir

     Ermənistan Baş Mazirinin səlahiyyətlərinin icraçısı Nikol Paşinyan Təhlükəsizlik Şurasının iclasında çıxışı zamanı Qaragöllə bağlı yaranmış gərginlii şərh edərkən bildirib ki, Azərbaycan Ordusunun Ermənistanın iddia etdiyi torpaqlardan çıxmayacağı ana qədər İrəvanın situasiyanı böhran olaraq qiymətləndirəcəyini və KTMT-Rusiyadan yardım istəyəcək.

      Paşinyan Azərbaycanla Ermənistan arasında Qaragöllə bağlı yaranmış gərginlik ətrafında danışıqların çərşənbə günü davam edəcəyini də qeyd edib.

   Kommunikasiyaların açılması və sərhədlərin dəqiqləşdirilməsi prosesi ilə bağlı çıxışında isə Nikol qeyd edib ki, kommunikasiyaların açılması və sərhədlərin dəqiqləşdirilməsi Azərbaycana nə qədər vacibdirsə, Ermənistana da o qədər vacibdir. Bu məsələ üçtərəfli formatda həll edilməlidir.

   “Sərhədlərin dəqiqləşdirilməsi planında belə bir nüans var. Son günlər ərzində Azərbaycan təbliğatı sərhədlərin dəqiqləşdirilməsi prosesinin ikitərəfli formatda həll edilməli olduğu ideyasını irəli sürür. Bu sadə bir səbəbə görə baş verə bilməz, çünki Azərbaycanla Ermənistan arasında münasibətlər yoxdur. Kommunikasiyaların açılması, eləcə də sərhədlərin dəqiqləşdirilməsi prosesi üçtərəfli formatda keçməlidir. Bununla bağlı bir neçə dəfə razılıq əldə olunub”, – deyə o bildirib.