Koronavirusun insan üçün yeni təhlükəli növünü aşkarlandı

Amerika mətbuatının verdiyi məlumata görə, Amerika alimləri koronavirus infeksiyasının daha bir növünün mövcud olduğunu bildiriblər.

Bildirilir ki, koronavirusun bu növü 2017-2018-ci illərdə Malayziyada pnevmoniya xəstəliyinə səbəb olub. Ehtimala görə, virus insanlara itlərdən ötürülüb, ancaq dəqiq nəticələr haqqında daha sonra danışmaq mümkün olacaq.

Məlumatlarda Florida Universitetinin mütəxəssisləri tərəfindən aparılan tədqiqatlar haqqında xatırladılıb. Güman edilir ki, 2014-2015-ci illərdə Haitidə qeydə alınmış pnevmoniya daha əvvəl koronavirusun aşkarlandığı donuzlardan insanlara ötürülüb.

Alimlər iddia edirlər ki, koronavirusun yeni növü mutasiya ehtimalına görə təhlükə törədə bilər.