Peşəkar Mühasib Sertifikatı almaq istəyən namizədlərin nəzərinə!

oxunub: 290

“Peşəkar mühasib sertifikatının verilməsi prosesinin təşkili, imtahanların keçirilməsi və peşəkar mühasib sertifikatı almış şəxslərin dövlət reyestrinin aparılması Qaydaları”nın təsdiq edilməsi haqqında Azərbaycan Respublikası Nazirlər Kabinetinin 2019-cu il 22 may tarixli 237 nömrəli Qərarına əsasən Peşəkar mühasib sertifikatının (PMS) verilməsi prosesinin təşkili və imtahanların keçirilməsi Azərbaycan Respublikasının Dövlət İmtahan Mərkəzi (DİM) tərəfindən həyata keçirilir. 

Realliq.TV – bildirir ki, DİM imtahanlara hazırlıq prosesinə başlamış və bu istiqamətdə artıq müəyyən işlər görmüşdür. PMS üzrə imtahan proqramları təsdiq edilərək DİM-in internet səhifəsinə yerləşdirilmiş və həmin proqramlar əsasında tapşırıqların hazırlanmasına başlanmışdır.

Azərbaycan Respublikasının Vergi məcəlləsi üzrə proqramlara bəzi əlavə və dəyişikliklər edilmişdir. Bu səbəbdən DİM-in internet səhifəsində yerləşdirilmiş müvafiq proqram yenilənmişdir. PMS üzrə proqramlarla buradan tanış ola bilərsiniz.

Namizədlərin nəzərinə çatdırırıq ki, qanunvericiliklərdə edilən dəyişikliklərə uyğun olaraq PMS üzrə proqramlar yenilənəcəkdir. Bu səbəbdən DİM-in internet səhifəsini mütəmadi olaraq izləməyi tövsiyə edirik.

İmtahanların keçirilmə qrafiki haqqında məlumat DİM-in saytında (dim.gov.az) yerləşdiriləcəkdir.